Манай улсын нийгэм эдийн засгийн тогтолцоо шилжихтэй зэрэгцэн "Заг" компани нь 1991 онд Монгол улсын барилгын салбарын ууган компаниудын нэг болон байгуулагдаж байсан түүхтэй. Заг компани нь 28 жилийн арвин туршлагатай компани юм.

Бидний бизнесийн хөдөлгөх хүч болсон ажилчиддаа манай компани өндрөөр үнэлдэг бөгөөд ажилтан бүрт өөрийгөө нээж, хөгжүүлэх, цаашид хамтдаа өсөн дэвших, амжилтаараа бахархах боломжийг бүрдүүлж ирсэн.

Ажилтны ур чадвар, туршлага, албан тушаалын түвшин зэргээс хамааруулан цалингийн уян хатан бодлогыг хэрэгжүүлдэг. Мөн ажилтны үр бүтээмжийг нэмэгдүүлэх зорилгоор компанид оруулж буй хувь нэмэр, ажлын гүйцэтгэлийг бодитой, шударгаар үнэлж гүйцэтгэлд суурилсан урамшуулал олгодог. 

Ая тухтай ажлын таатай орчинд эерэг хандлага, бүтээлч эрмэлзэлтэй, нөхөрсөг, найрсаг мэргэшсэн хамт олонтой мөр зэрэгцэн ажиллаж, суралцах болно.

Бид ажилчидынхаа эрүүл мэндэд анхаарч жилд нэг удаа эмнэлгийн иж бүрэн урьдчилан сэргийлэх үзлэг шинэжилгээнд үнэ төлбөргүй хамруулдаг. Энэ нь эрсэдлээс сэргийлэх хамгаалах зорилготой. 

Ажилтнуудынхаа чөлөөт цагийг зөв зохистой, идэвхтэй өнгөрүүлэх зорилгоор сагсан бөмбөг, гар бөмбөг, ширээний теннис явган аялал зэрэг спортын төрлүүдээр хичээллэх боломж бүхий спорт заал төвүүдтэй хамтран ажилладаг.