Техник технологийн дээд сургууль

Тус сургууль нь анх 1984 онд барилгын салбарын мэргэжилтэн бэлдэх зорилгоор байгуулагдсанаас хойш 33 дахь жилдээ үйл ажиллагаагаа явуулж байна. Энэ хугацаанд нийт 12 гаруй мянган мэргэжилтэн бэлтгэн гаргасан байна. 2006 оноос хувийн өмчит сургалтын байгууллага болон өөрчлөн зохион байгуулагдаж, өдгөө 100 гаруй эрдэмтэн багштай 2600-гаад оюутан сурагчтайгаар үйл ажиллагаагаа явуулж байна. Сургуулийн сургалтын орчин, багшлах боловсон хүчний боломжоо ашиглан мэргэжил эзэмшүүлэх богино хугацааны сургалт зохион байгуулж төв, орон нутгийн 1200 гаруй хүнд сонирхсон мэргэжлийг нь эзэмшүүлж тэдгээрийн 76 орчим хувийг ажлын байранд хуваарилж, зуучлаад байна. Тус сургууль нь Япон улсын Токиогийн Шинжлэх Ухааны Их сургууль, Синдай, Салежү Коосэн

сургууль, Австралийн Холмесглен Их сургууль, ОХУ- ын Москва хотын Үндэсний судалгааны Барилгын Их сургууль, Буриад улсын Улаан-Үүд хотын Ойн аж үйлдвэрийн коллеж, Инженерийн сурган хүмүүжүүлэх ухааны коллеж, БНХАУ-ын Таншань хотын Барилгын сургууль, БНСУ-ын Дунг И Технологийн Дээд сургууль зэрэг сургуулиудтай хамтран ажилладаг. Олон улсын байгууллагуудаас Монголын Мянганы Сорилтын Сан, Филиппиний Коломбын төлөвлөгөөний хүний нөөцийн коллеж, Европын Холбооны улсуудаас Германы Олон улсын хамтын ажиллагааны нийгэмлэг, БНЧех Улсын Олон улсын Каритас зэрэг байгууллагуудтай хамтран ажиллахын зэрэгцээ Оюутан сурагчдын зөвлөл нь 11 тэргүүлэгч гишүүн, зөвлөлийн гүйцэтгэх албаны 43 гишүүнтэйгээр үйл ажиллагаагаа явуулж байна.

Дэлгэрэнгүй мэдээлэл - http://www.iet.edu.mn/


Байгуулагдсан он 1984
Нийт ажиллагсдын тоо 150
Бүрэлдэхүүн сургууль Техник Технологийн Политехник Коллеж
Монгол Коссен Технологийн Коллеж
Хөрөнгө оруулагчид Ард санхүү нэгдэл
Хаяг Баянгол дүүрэг, 5-р хороо, Энхтайваны өргөн чөлөө 90
Утас 70007630
И-мэйл info@iet.edu.mn